Панфилов райондук сотунун жамааты 21-февраль – Эл аралык эне тил күнүнө карата атайын майрамдык иш чара өткөрдү. Бул саамалыктын негизги максаты — мамлекеттик тилдин кадыр-баркын көтөрүү, кызматкерлер арасында эне тилге болгон сый-урматты арттыруу жана улуттук баалуулуктарды даңазалоо болуп саналат.

Иш чаранын алкагында соттун кызматкерлери кыргыз тилинин байлыгын жана сулуулугун чагылдырган көркөм окууларды тартуулашты. Атап айтканда:

Элнура Мааткеримова (сот отурумунун катчысы);

Дильбара Мыктыбек кызы (комендант);

Дамира Акинова (иш алып баруучу адис);

Алиса Тенирбергенова (сот отурумунун улук катчысы).

Жогоруда аталган кызматкерлер эне тил жөнүндөгү залкар акындардын учкул сөздөрүн жана терең маанилүү ыр саптарын чеберчилик менен окуп беришти.

«Тил — ар бир улуттун баа жеткис байлыгы жана анын мамлекеттүүлүгүнүн тиреги. Биздин мекемеде мамлекеттик тилде иш кагаздарын жүргүзүү менен бирге, ушундай маданий иш-чаралар аркылуу тилибиздин өнүгүшүнө салым кошууну маанилүү деп эсептейбиз», — деп белгилешти иш чаранын катышуучулары.

Панфилов райондук сотунун жамааты бардык мекендештерди алдыда келе жаткан Эне тил күнү менен куттуктап, эне тилибиздин түбөлүктүүлүгүн каалайт.