Кыргыз Республикасынын сот системасы заманбап санарип чечимдерге кадам таштады. Жарандар үчүн мамлекеттик алымды онлайн төлөө кызматы ишке киргизилди.
Эми сотко барганда кагаз эсеп-дүмүрчөктү сактап жүрүүнүн жана тапшырганы алып келүүнүн зарылдыгы жок. Онлайн төлөмдө система маалыматты автоматтык түрдө текшерип, электрондук эсеп-дүмүрчөк түзөт. Ал эсеп-дүмүрчөктүн юридикалык күчү кадимки кагаз документине толук барабар.
Кантип иштейт?
● Жаран мамлекеттик алымды интернет-банк же мобилдик тиркеме аркылуу төлөйт;
● Электрондук эсеп-дүмүрчөк жана төлөмдүн уникалдуу коду дароо берилет;
● Сотко документ тапшырганда ушул код системага киргизилет;
● Система төлөмдү автоматтык түрдө ырастайт.
Жарандар үчүн артыкчылыктар:
● Банктан кагаз эсеп-дүмүрчөк алуунун кереги жок;
● Убакыт үнөмдөлөт, кезек күтүүлөр азаят;
● Төлөмдүн маалыматы сот системасында дароо катталат;
● Электрондук эсеп-дүмүрчөк кагаз документ менен бирдей күчкө ээ.
Онлайн төлөм — бул ылдамыраак, коопсуз жана алда канча ыңгайлуу кызмат.
