Чүй облусунун урматтуу кесиптештери, судьялары жана сот аппараттарынын кызматкерлери!
Урматтуу ардагерлер!
Сиздерди улуу жана ыйык майрам – Жеңиш күнү менен чын жүрөгүмдөн куттуктайм!
9-Май – бул биздин элдин теңдешсиз баатырдыгынын, туруктуулугунун жана биримдигинин символу. Бул күнү биз согуш талааларында жана тылда жалпы Жеңишти камсыз кылган чоң ата, чоң энелерибиздин эрдигине терең таазим этебиз. Бул жан аябастык тууралуу эскерүүлөр ар бирибиздин жүрөгүбүздө жашап, тынчтыктын, ынтымактын жана өз Мекенине болгон берилгендиктин канчалык маанилүү экенин эсибизге салат.
Биз үчүн, сот бийлигинин өкүлдөрү үчүн бул майрам өзгөчө мааниге ээ. Биз ата-бабаларыбыз күрөшкөн баалуулуктарды – адилеттүүлүктүн, туруктуулуктун жана мыйзам үстөмдүгүнүн салтанатын камсыз кылуу менен тынчтык мурасын сактоого милдеттүүбүз.
Ушул салтанаттуу күнү чын жүрөктөн чыккан каалоолорумду кабыл алыңыздар:
Башыңыздарга тынчтык жана эртеңки күнгө болгон ишеним;
Сизге жана сиздин жакындарыңызга бекем ден соолук, күч-кубат жана узак өмүр;
Жарандардын укуктарын жана эркиндиктерин коргоого багытталган асыл кызматыңызда ийгиликтерди каалайм.
Улуу Жеңиштин элеси бизди Кыргызстандын гүлдөп өсүшү үчүн жаратман эмгекке, жаңы кесиптик ийгиликтерге жана жакшы иштерге шыктандырсын!
Майрамыңыздар менен! Улуу Жеңиш күнүңүздөр менен!
Урматтоо менен,
Чүй облустук сотунун Төрагасы Таалайбек Даркимбаев.
