2026-жылдын 5-марты — Кыргызстандын борборунда сот системасынын кызматкеринин күнүнө карата кесиптик майрамга арналган салтанаттуу иш-чара болуп өттү.

Майрамдын алкагында Кыргыз Республикасынын Жогорку сотунун төрагасы Медербек Сатыев сот кызматкерлеринин көрүнүктүү эмгектерин белгилеп, аларга ведомстволук ардактуу сыйлыктарды тапшырды.

Кызматтык милдеттерин ак ниеттүү аткаргандыгы, жогорку профессионализми жана мыйзамдуулукту чыңдоого кошкон олуттуу салымы үчүн Чүй облустук сотунан төмөнкүлөр сыйланды:

Чолпон Бакытова;

Умут Усенбаева;

Айчүрөк Сыдыкова.

Жыйындын катышуучуларынын алдында сөз сүйлөгөн Медербек Сатыев сот кызматкерлеринин ишинин натыйжалуу сот адилеттигинин негизи болуп саналарын баса белгиледи.

Иштерди кароонун ыкчамдыгы жана жарандардын сот бийлигине болгон ишеними көбүнесе адистердин, катчылардын жана жардамчылардын так жана ырааттуу ишинен көз каранды.

«Сот кызматкерлеринин сыйлыктары – бул алардын жогорку кесиптик деңгээлинин жана ишке берилгендигинин таанылышы. Сот кызматкерлери күн сайын  сот системасынын үзгүлтүксүз иштешин камсыз кылып, эбегейсиз зор иштерди аткарат», — деп белгиленди салтанаттын жүрүшүндө.

Чүй облустук сотунун жамааты куттуктоолорго кошулуп, кесиптештерине сот адилеттигинин пайдасы үчүн жооптуу иштерине мындан аркы ийгиликтерди каалайт.